فنانون موالون يناشدون الأسد للتدخل.. وسوريون يردون بسخرية

فنانون موالون يناشدون الأسد للتدخل.. وسوريون يردون بسخرية
سخر سوريون من حملة قادها فنانون وشخصيات موالية لنظام الأسد تناشد بشار الأسد للتدخل في حل أزمة نقص الغاز والكهرباء وارتفاع الأسعار في مناطق النظام، حيث اعتبر موالون أن النظام لن يستجيب لتلك المناشدات بعد أن أعلن أحد الموالين في صفحته الشخصية أنه سينتحر إذا لم يتم الاستجابة للمناشدات، حيث جاء الرد عليه " ما حدا مدوّر لا عليك ولا عالشعب".

وبدأت خلال الأيام الماضية صفحات تعود لفنانين موالين لنظام الأسد وشخصيات محسوبة عليه، بإطلاق مناشدات لبشار الأسد حول عجز حكومة النظام عن تأمين الغاز، والكهرباء والمازوت والماء وحليب الأطفال، للمواطنين في المناطق الخاضعة لسيطرة ميليشيا أسد.

انتحار

وأعلن طبيب أعشاب موالٍ (نبيل حمدان) عزمه على الانتحار خلال مدة قدرها أسبوع واحد في حال لم يستجب بشار الأسد لمطالبه، بقوله (الجمعة): "سيدي الرئيس هل أنت نائم عمّا يحصل، سيدي الرئيس شعبك وأهلك جوعانين، سيدي الرئيس ألا ترى المناشدات من الجميع في الوضع المأساوي، سيدي الرئيس سأستقيل من عمري اتجاه أهلي، سيدي الرئيس أعدك إن لم تحل مشاكل الناس شخصياً سأنتحر ولا أسف على حياتي وأهلي فقراء وبردانين وجياع "، بينما تحدثت صفحات موالية أن (حمدان) قام بتعديل المنشور بعد ضغط وتهديد من أجهزة مخابرات الأسد.

كما ندد الفنان الموالي لنظام الأسد (أيمن زيدان) في منشور له عبر صفحته الشخصية في الفيسبوك بسوء الأوضاع المعيشية التي تمرّ بها دمشق هذه الأيام، بقوله: "انتصرنا لكن لا معنى للنصر إن لم تعد لنا أوطاننا التي نعرفها تباً للصقيع والعتمة".

وفي سياق حالة الاستياء التي انتشرت بين أوساط المؤيدين قالت إحدى مذيعات تلفزيون النظام (ماجدة زنبقة) بقولها: " يلي زعلان انو طلع برا البلد ... زعال علينا حبيبي لانو ما طلعنا برا البلد .. نحنا يلي اكلناها بإيدينا ورجلينا ولا تخلي حدا يقلك انو خلصت الحرب ومن هالحكي لانو هلأ بلشت الحرب  والحرب علينا يلي ضلينا وبس .... واذا مفكر انو تحسن الوضع من لما تحررت تقريبا كل المناطق .. بحب قلك انو الوضع من سيئ الي ال أسوأ مرحلة بالتاريخ ... الدولار ما نزل بالعكس طلع وحياتك .. الكهربا ما بعرف ليش حاطين وزارة اساسا ... المي مرتبطة مع الكهربا".

وتابعت:"السرقة ما وقفت .. الوعود متل يلي عم يكتب علوح تلج بنص الصيف .. الاعلام اسوأ اعلام بالعالم او تاني اسوأ اعلام مشان ما اظلمن ... لك شو بدي احكيلك لاحكيلك .. هي لسا ما حكيتلك انو التعامل مع المواطن اسوأ من ما كان بعد كل يلي صار".

بدورها اشتكت الفنانة الموالية (شكران مرتجى) في منشور لها على حسابها الرسمي على الفيسبوك لبشار الأسد بقولها: " الشعب تعبان مافي غاز مافي مازوت مافي بنزين مافي كهربا آجارات بيوت وصلت لمئات الألوف مافي حليب أطفال وصل حق العلبه ١١ ألف سوري!!!!!!! عملولنا بطاقة ذكية وبدك تكون عبقري لحتى تروح وتقدر تطالعها الطرقات بشوية مطر صارت تغرق وتغرق معها ناس معتره".

ردود ساخرة

وسرعان ما سخر موالون من توعّد (حمدان) بالانتحار، حيث قال أحدهم "لا تنتحر واا خيي، ما حدا مدوّر لا عليك ولا عالشعب.. روح اضربلك كاسة عرق و نام".

وأضاف آخر: "بيكون اجاه 6 تهديدات يعدل البوست...متل ماكل مسؤول بيجيه تهديد قبل مايحكي ويتحفنا حكي من المريخ".

وتهكّم آخر عبر نشره قصة (كوميدية سوداء) بقوله: "طلعت مع شوفير تكسي من ساحة شمدين عالروضة بالصدفة الشوفير مشغل على برنامج اذاعي يمكن اسمو المختار.  المهم المذيع عم يحكي انو في مناشدات من قبل مشاهير "شكران مرتجى؛ ايمن زيدان؛ معالج طبي بجبلة؛ اعلامي ومذيع سوري..... للرئيس """لحتى يعرف""" شو عم يصير مع شعبو من ذل وفقر واهانات ونقص موارد!!!  الزلمة عم يسمع وانا بصراحة تركت الورقة اللي بايدي وركزت بالرسائل. كلها عم تحكي عن النصر على الإرهاب وانتهاء الازمة الحمد لله وما الى ذلك".

وأضاف: "ثم المناشدات والوقوف على الاعتاب ومشان الله ومشان النبي ومشان الحسين ومشان ابو بكر ومن هالحكي وفي بعضها وصلت المواصيل للتهديد بالانتحار. المهم ياسادة خلص البرنامج مع وعود من السيد المذيع انو كل ما نزلت مناشدة يدونها للحلقة الجاية. اخونا الشوفير قاللي: لك اااخ يا استاذ شوف شوف لوين وصلنا.  بمباراة للمنتخب لما فشلنا عرفنا انو الغلط من المدرب لهيك شلناه. اما بمباراتنا مع هالحياة وهالبلد عرفانين انو الغلط من المدرب ومع هيك بدنا ياه يغير اللعيبة ومايتغير. بتحس انو حيوانيتنا "سطمبة". "حسيتو قارئ كتاب حيونة الانسان لممدوح عدوان قبل ما يقعد ورا الدركسيون".

وتابع: "انصدمت منو، انصدمت انو الكل عرفان وين المشكلة بس مو مسترجي يحكي ومكفي حياتو ومكتفي بشوية وطنيات مبهرة بالقليل من المحبة للوطن و""حماة الوطن"". اتطلع فيني وبعدين صفن صفن هيك وتذكر انو معو زبون عالروضة.  يعني المفروض انو كون من الطبقة المخملية للشعب وكون اما ابن مسؤول او ممن لف لفيفهم. قاللي: بس وينك استاذ عليي الحلال عندي ترديد الشعار قبل ما نام والتفكر بانجازات القائد الخالد احلى من خمسة ليتر مازوت!!".

التعليقات (0)

    0

    الأكثر قراءة

    💡 أهم المواضيع

    ✨ أهم التصنيفات