سخرية من عنصر في ميليشيا أسد لعرضه قصة حب فاشلة!

ونشرت صفحة "طرطوس اليوم" قصة العنصر، الذي هدف من عرض قصة حبه الفاشلة، البحث عن حلول وطرحها على وسائل التواصل الاجتماعي.

وكتب العنصر: " انا عسكري ووضعي ع قدي كنت حابب بنت من ضيعتنا.. حبينا بعض من ايام المدرسة هيي كفت وانا طلعت من المدرسة وبعدها رحت عسكري ضلينا نحب بعض شي ٣ سنين بعدها صارت تتحجج أنو ماعم يصرلها وقت انو تحكيني .. وانو دراستها اخدي من وقتها  انا كنت مطول بالي عليها وماكان بدي هيك سبب يخرب علاقتنا".

وأضاف: "مرت فترة قاسية عليي كنت اجي من العسكرية اخد اجازة قصيرة.. يادوب لحق اشتغل يومين والتالت اصرف يلي اشتغلتهن ب شي مطعم معها مشان ما حسسها اني مو مهتم فيها ... من فترة تصاوبت ب اجري ووصلت لالها خبر انو صار بدها قطع لشوف ردة فعلها  هيي لما سمعت هيك.. اجتها حجة حتى تبعد وتتركني بعتلها انو ليش هيك عم تسوي".

وتابع: "قالتلي مابكفي انك نص بني ادم ولسا جاي عم تحاسبني شو سوي.. وسمعتني كم كلمة وسكرت  امها كانت تأثر عليها كتير.. انو شو بدك فيه وانتي عم تدرسي واحسن منو  تركنا بعض فترة بس انا ما نسيتها لان بحبها .. طلع قرار تسريح وتسرحت .. وبالصدفة سحبت ورقة يانصيب ونقشت معي ب مبلغ منيح والحمدلله قدرت اشتغل بمشروع كل مرة اربح فيه  وهلق وضعي المادي ميسورة اموره والحمدلله رجعت حكتني وقالتلي ندمانة وانو بدها نرجع لان ابن عمها ضحك عليها وكان طمعان بوظيفتها".

وختم العنصر بقوله: "ولما رسبت بالجامعة وماقدرو اهلها يكفولها حق موادها  تركها ومشي المشكلة فيني وبعقلي.. قلبي عم يقلي ارجعلا  بس عقلي عم يرجعلي الماضي ويقلي هيي تركتك لما كنت انت بحاجتها ودك ياها... برأييكن شو ممكن سوي ؟".

ردود ساخرة

وسرعان ما سخر رواد مواقع التواصل من قصة الحب الفاشلة للعنصر في ميليشيا أسد، إذ جاءت أغلب الحلول تهكمية وكوميدية.

وقال أحدهم معلقاً على قصة العنصر: "بتجيب خمس بيضات بلديات وكيلو ونص بندورة بتغسل البندورة وبتفرمهن وبتحطن بمقلاية على الغاز لما بيغلوا حاكيني بقلك شو بتعمل بعدين".

وسخر آخر: "برأيي القصة محبوكة وخرج تتصور مسلسل وبلأخص لقطة ورقة #اليانصيب وينك يانجدت أنزور وينك".

وتهكّم آخر: "حلقلها برم وعالطاسة مع اني مامقتنع بكل هالقصة وخفف مسلسلات تركية وهندية وتغطا منيح قبل ماتنام"، بينما قال آخر: "ارجعلا وقلا جاي اخطبك ولا تروح ودقلا قلا كان معك الكاميرا الخفية".